Operation Red Sea 2018
မြန်မာစာတန်းထိုး
*****************
FOF ရဲ့ ကား ၈၀၀ မြောက်ပါ…..
နိုင်ငံတစ်နိုင်မှာ အာဏာသိမ်းတဲ့အချိန်ဘာတွေဖြစ်လာနိုင်သလဲ။ ဒီဇာတ်ကားထဲမှာတော့ ရေဝိုင်ယာဆိုတဲ့နိုင်ငံမှာ သမ္မတအစိုးရအပေါ်ကို အကြမ်းဖက်သမားတွေက နိုင်ငံကိုအာဏာသိမ်းပြီး အဲဒီနိုင်ငံအတွင်းမှာရှိတဲ့ မြို့ကြီးပြကြီးတွေကို လိုက်သိမ်းတဲ့အထိဖြစ်လာပါတယ်။ အကြမ်းဖက်သမားတွေကလည်း စစ်တပ်အင်အားကအနေနဲ့ ကမ္ဘာတစ်ဝန်းမှာရှိတဲ့ အကြမ်းဖက်အဖွဲ့အစည်းတွေကို စုပေါင်းပြီး စစ်တပ်တစ်ခုလို ဖြစ်လာတဲ့အချိန်မှာ အဲဒီနိုင်ငံအစိုးရကလည်း တိုက်ဖို့အတွက် တွန့်ဆုတ်တွန့်ဆုတ် ဖြစ်လာတာပေါ့။ အင်အားခြင်းမမျှဖြစ်လာတဲ့အချိန်မှာ အကြမ်းဖက်သမားတွေက စားပွဲပေါ်မှာရှိတဲ့ ထမင်းဟင်းအစုံအလင်ကို တစ်ပန်းကန်ပြီးတစ်ပန်းကန် ထိုင်စားသလို မြို့ကြီးတွေကို တစ်မြို့ပြီးတစ်မြို့ သိမ်းပါတော့တယ်။ နိုင်ငံပိုင်စစ်တပ်တွေက တိုက်ပေမဲ့လည်း နိုင်ငံတွင်းမှာရှိတဲ့ အခြေအနေတွေက ပိုပိုပြီးတော့ ဆိုးလာပါတော့တယ်။ အဲဒီအချိန်မှ ပဲကြီးလှော်ဆားညှပ်ဆိုသလို အဲဒီနိုင်ငံအတွင်းမှာရှိတဲ့ တရုတ်နိုင်ငံသား ၁၃၀ ကျော်က ကြားညှပ်ပြီး နိုင်ငံအတွင်းမှာ ပိတ်မိသွားတာပေါ့။ အဲဒီတရုတ်နိုင်ငံသားတွေကို ပြည်မကြီးထဲ ပြန်လည်ခေါ်ယူဖို့အတွက် တရုတ်နိုင်ငံက ရေဝိုင်ယာနိုင်ငံ ဆိပ်ကမ်းအထိလာပြီးတော့ သူ့လူတွေကို ပြန်လာကယ်ပါတယ်။ သူ့လူတွေအပြင် တရုတ်ကုမ္ပဏီမှာ အလုပ်လုပ်တဲ့ နိုင်ငံခြားသားတွေကိုပါ ခေါ်ယူဖို့ကမ်းလှမ်းခဲ့ပါတယ်။ အဲဒီအချိန် တစ်ဖက်မှာ အကြမ်းဖက်သမားတွေက ညစ်ညမ်းတဲ့ယူရေနီယံနဲ့တွေကို နိုင်ငံတကာကနေ ဝယ်ပြီးတော့ အနုမြူဗုံးတွေကိုလုပ်ဖို့ ကြံစည်နေတာပေါ့။ ဗုံးလုပ်ပြီးရင် အကြမ်းဖက်ဆိုတဲ့အတိုင်း အကြမ်းဖက်တဲ့အခါ လူတွေအမြောက်အများ သေကြေပျက်စီးကြတော့မှာပေါ့။ ဒါနဲ့အဲဒီနိုင်ငံမှာရှိတဲ့ သတ္တိကောင်းတဲ့ သတင်းထောက်မလေးက အဲဒီအကြမ်းဖက်သမားတွေထဲက ခေါင်းဆောင်ပိုင်းတွေအကြောင်းကို ဖော်ထုတ်ဖို့လိုက်ပါတော့တယ်။ သူကလည်း တရုတ်ကပြားသတင်းထောက်ပါ။ သတင်းထောက်က လိုက်တာနေတာသိတော့ အကြမ်းဖက်သမားတွေက သတင်းထောက်မလေးကိုလည်း လုပ်ကြံဖို့ကြိုးစားပါတော့တယ်။ အဲဒီအချိန် နိုင်ငံအတွင်းမှာ ပိတ်မိနေတဲ့ တရုတ်ပြည်သူတွေကို လာကယ်တဲ့ တရုပ်ရေတပ်က သင်္ဘောကြီးကလည်း ဆိုက်ကပ်လို့လာပါပြီ။ အဲဒီမှာ ပြဿနာက ဗုံးလုပ်တဲ့နည်းပညာကို ကိုင်ထားတဲ့ ဝီလီယံဆိုတဲ့လူကလည်း သူ့ရဲ့နည်းပညာကို အကြမ်းဖက်သမားတွေဆီကိုရောင်းစားဖို့ လုပ်နေတာပေါ့။ ဒါပေမဲ့အပေးအယူတွေ မတည့်တော့ သူလည်း အကြမ်းဖက်သမားတွေကို ကြောက်ပြီး ထွက်ပြေးနေရတာပေါ့။ အဲဒီအချိန် ရေဝိုင်ယာနိုင်ငံအတွင်းမှာ အစိုးရရဲ့ကာကွယ်ရေးဦးစီးချုပ်ကို လုပ်ကြံဖို့လိုက်တဲ့အတွက်ကြောင့် သူ့ရဲ့မိသားစုဝင်တွေကို စောင့်ရှောက်ပေးဖို့ တရုတ်ကို အကူညီလှမ်းတောင်းပါတယ်။ တရုတ်ကလည်း ဂရုဏာဗလပွနဲ့ကူညီပေးလိုက်တဲ့အချိန်မှာ ပြဿနာမီးခဲက တရုတ်ရဲ့လက်ပေါ်ကို ကျလာပါတော့တယ်။ ဒါနဲ့အကြမ်းဖက်သမားတွေက ဓါးစာခံလုပ်ဖို့အတွက် အဲဒီနိုင်ငံမှာရှိတဲ့ တရုတ်ကောင်စစ်ဝန်ကြီးနောက်ကို လိုက်ပါလေရော။ သူတို့ကလည်း ကာချုပ်ရဲ့မိသားစုကိုပါ သတ်ရမှာကြေနပ်မှာဆိုပဲ။ ဘာလို့လဲဆိုတော့ ကာချုပ်ရှိခဲ့တဲ့အချိန်က သူတို့ကိုဖိနှိပ်ခဲ့လို့တဲ့ဗျ။ ဒါနဲ့ကောင်စစ်ဝန်က အဲဒီမှာရှိနေတော့ တရုတ်ကလည်း သူ့ကိုအဓိကထားပြီး ကယ်ဖို့လုပ်တာပေါ့။ အကြမ်းဖက်သမားတွေအတွက် တရုတ်ကို ပြန်ခြိန်းချောက်ဖို့အတွက် ဓါးစာခံကောင်းရပြီဆိုပြီး သူ့အနောက်ကိုထပ်ချပ်မကွာ လိုက်ကြပြန်တယ်။ အဲဒီမှာ ပြေးရင်းလွှားရင်း တိုက်ရင်းခိုက်ရင်းနဲ့တစ်ယောက်နောက် တစ်ယောက်လိုက်ရင်း စစ်ပွဲတွေဖြစ် တိုက်ပွဲတွေဖြစ်၊ ပြည်သူတွေသေ၊ စစ်သားတွေသေ၊ အကြမ်းဖက်သမားတွေသေ၊ တရုတ်ကသူ့လူတွေကို မရရအောင်ကယ်၊ အကြမ်းဖက်သမားတွေကလည်း အကြမ်းဖက်၊ အဲဒီလိုနဲ့တရုတ်စစ်တပ်နဲ့ အကြမ်းဖက်သမားတွေကြားမှာ အားပြိုင်မှုတွေဖြစ်လာပါတော့တယ်။ တရုတ်ကလည်း သူ့လူတွေအတွက်ဆို စစ်သားတွေဘယ်လောက်ရင်းရရင်းရ ကယ်မယ်ဆိုတာပဲ။ တစ်ဖက်ကလည်း အကြမ်းဖက်သမားတွေက လူတွေဘယ်လောက်သေသေ အကြမ်းဖက်မယ်ဆိုတာကြီးပဲ။ ရေဝိုင်ယာနိုင်ငံရဲ့တပ်ကလည်း သူလည်းမနိုင်မဲ့အတူတူ တရုတ်ကို ပြည်ထဲသွင်းပြီး မျက်နှာလွဲခဲပစ်သလို ပစ်ထည့်လိုက်ပါလေရော။ အဲဒီအချိန်မှာတော့ ဘာတွေဆက်ဖြစ်လာမလဲဆိုတာကိုတော့ ကိုယ်တိုင်ပဲ အားပေးလိုက်ကြပါတော့။ စစ်ရဲ့အနိဋ္ဌာရုံတွေကို ကွက်ကွက်ကွင်းကွင်း ပြထားတာဖြစ်လို့ ဒီကားကြည့်ပြီးရင် စစ်ကိုရွှံမုန်းသွားမှာတော့ သေချာပါလိမ့်မယ်။
Reviewed by Kyar Gyi
Translated by Kyar Gyi & May Honey Swe Lwin
Encoded By John Burgoyne
1080p.Bluray 599.51 MB (Openload)
😁😁😁😁😁😁😁
😁😁😁
No comments:
Post a Comment